最愛媽媽

瘋狂Pack野，搬到新屋後，瘋狂Unpack野....我同老公累得要命! 現在總算Settle down 了! 這個星期除了我和老公辛苦外，我媽咪也辛苦了，這三天阿囝都在婆婆家中過夜，要廿四小時照顧他真的會累壞人!還好，阿囝夜晚很乖，没有扭計乖乖安睡! 不過更令我深深覺得世上只有媽媽好!

　

搬屋..生仔...MOK牙...

開始PACK野準備搬屋，執了一整天，攰死了.....

我發現全屋有5分4的東西都是本人財物，包括最多的衣服和鞋 >~<" (買咁多仲乜!!)

突然好掛住叮噹，好想佢拎法寶出來幫我瞬間轉移晒所有東西過新屋呀!

繼2009完成生BB創舉後，2010年要完成"MOK"4隻智慧齒的另一創舉! WHY!!! 好可怕呀!>~<"

突然覺得自己好命苦...哇哇哇....!

我的一天

陪月走了後，今天是我第一次自己全日湊阿囝。
早上7點，拍醒老公餵阿囝..keke..我又可以瞓多一陣，老公餵完奶就返工。
11點，餵奶換片....
然後烚奶樽...然後再開機洗我同老公d衫褲....( 其間阿囝扭計..要哄他)...
1點多準備幫阿囝沖涼...2點再餵奶....
然後再幫阿囝洗衫....
3點我終於有時間食野喇!
4點終於有時間上網喇! (多謝阿囝賞賜!)
休息一會，5點要餵奶換片喇!

已經習慣了這種生活，雖然很累，但是看到他迷人的笑容就什麼辛苦都忘記了!

阿囝醒了....今天寫blog時間到此為止!