轉眼間巳經快要踏入2008年的春天了，時間過得真快，看看自己3月的schedule，排得密密麻麻。除了現在工作比較忙碌之外，還努力地籌備著很多關於結婚的東西，所以也没有時間去找工作。威哥剛送給我一部PDA Phone正好大派用場，將我所有appointments都清楚地記下。3月份的約會有：
1. 出席3位朋友的飲宴，其中1個婚禮會擔任姊妹和協助化妝的工作。
2. 有一份工要去second interview
3. 要到Cocoon試晚裝
4. 要到Say-so試妝和造型
5. 慶祝爸爸生日
6. 去銀行開保險箱放金器(被媽咪每日催促中)
6. 努力找攝錄公司
7. 努力再尋找 Ideal Wedding Band
報告完畢!
3 則留言:
要小心 cocoon, 當年我和我的一位朋友都在那兒租婚紗晚裝, 衫是非常美, 可是那些sales卻令人一肚氣。
可能你會話唔係, 但要注意你揀衫落訂那一間並非最後試身攞衫個間, 唔知現在有無變, 我那時在銅鑼灣揀衫, 然後要到上環final fit 及攞衫。 銅鑼灣那邊完全無問題, 那sales知道我會分兩日行禮擺酒, 仲主動問我需否分兩次攞衫分兩次還衫, 因為我租了一套男禮, 一件婚紗,兩件晚裝有&一件伴娘裙, 分兩次就可以分兩日著, 我當然話好。
點知到攞衫個日, 即註冊前兩日, 上到上上環佢先話無可能, 話一張單只可以一次過攞一次過還, 我張單明明由佢地同事寫得清清楚楚, 佢都可以大大聲話唔得, 又要話加錢, 又暗示我講大話, 係咁問我邊個同事話得, 我點知佢係邊個! 我點會記得一個sales個名!!! 後來仲要話有個客要試我個套男禮, 話我分兩日攞會阻住佢個客試衫! 注意, 佢真係話我[阻住佢個客]架!!
唔通我無俾錢? 我唔係佢地o既客??
搞咗一輪, 粒幾兩粒鐘, 其間受盡白眼, 仲搞到當時在場試衫的另一個準新娘都以為係我唔啱!!
最後都只係攞到件婚紗同伴娘裙, 男禮要到我擺酒個日先會有, 令我失預算不只, 仲完全無哂心情一肚氣! 當時我後日就結婚, 仲有好多野要準備, 俾佢搞到一上叮叮就想喊.
但係我無理由俾啲二打六攪吋個party, 所以我就在坐叮叮回家的途中打咗去銅鑼灣間舖投訴. 事實又一次證明投訴的力量, 結果佢地的manager道了歉並請我第二日再去攞衫, 係一次過攞哂啲衫, 然後擺酒後才一次過還, 即變相俾我租咗六日五夜或五日四夜.
而我朋友則在還衫的時候出事, 因為她註冊那天下雨, 婚紗腳弄髒了, 我朋友也打算賠洗衫錢, 點知那sales把裙子底部向上掀, 逐層紗檢查(那婚紗是有很多層底紗那種), 發現了一些裂痕, 很可能是無意中被踏婚紗腳拉爛的, 但那sales竟然硬說是我的朋友刻意用剪刀剪爛!!
注意二件事結果雖然都無影響婚禮, 但那sales的言語非常惡毒, 令人無端端一肚氣, 非常影響心情! 所以勸你每一項細節都要問清楚並請他們記在單上.
長氣了, 因為事隔幾年諗起都好嬲,
請見諒.
我地果日係上中環果間,未俾錢都唔見得佢地d態度好好, 重要唔靚女...=.="
嗯嗯~做得啱呀,complain佢!我都覺得如果結婚係開心既事,對方冇禮貌對待客人不特止仲要屈個客,實在太過份了。希望我唔會遇到呢d經歷啦,不過我地都feel到佢d sales都'寸底'~
我唔sure佢宜家仲有冇其他分店,不過我宜家揀衫同試衫都係o係中環囉~
張貼留言